Manipulasie van die fluks van koolstof na sukrose vereis kennis van beide die biosintetiese
bane (source, bron) vir sukrose, sowel as die mededingende koolstof poele (sinks) in
verskillende dele van die plant en tydens verskillende stadiums van ontwikkeling. Die
selwand en sukrose is die hoof koolstof poele in jong en volwasse suikerriet weefsels. UDPGlukose
is ‘n sentrale metaboliet vir die sintese van beide sukrose en meeste van die
selwand polisakkariede (insluitend sellulose, hemisellulose en pektiese polimere) en
manipulasie van die fluks na een van die selwand komponente kan dus ‘n toename in die
fluks na een of meer van die kompeterende poele veroorsaak. In hierdie studie word die
aktiwiteit van UDP-Glukose dehidrogenase (UGD) afgereguleer om sodoende die fluks van
koolstof na die sintese van hemisellulose en pektien, ‘n hoof poel vir geassimileerde koolstof,
te verminder.